- health
- by mabel shek
- 03/10/2023
現為兩子之母的藝人孫慧雪（雪雪），兩名兒子都屬巨B、出生重達9磅。轉眼間細仔Rian 2個月大，但體型比哥哥當年更巨型，現時身高已達66cm、體重18磅，手腳粗大如小小「米芝蓮」人，難怪媽媽孫慧雪替他改花名為「肉肉哥」；不過有網民憂心「肉肉哥」過重不健康，孫慧雪向編輯表示並沒有刻意谷肥兒子，還派定心丸指：「醫生話佢冇過肥呀！佢只係喺生長線上係100%。」，叫大家放心！
回顧孫慧雪兩度懷孕都是陀巨肚、生巨B，備受外界關注。孫慧雪不時在社交平台分享家庭生活，上月細仔Rian滿月時，她已透露細仔暴風式成長，要轉用M碼尿片，而BB床更要加大size，所有初生的BB用品都已經不適合！
相隔1個多月，日前孫慧雪公開1段為「肉肉哥」搧風的影片，原來細仔臉頰和頸部肉肉太多，造成摺痕積汗潮濕，皮膚泛紅，所以要翻開仔仔頸部的肉肉，用風扇仔吹。孫慧雪笑言：「肉肉哥的煩惱，頸入面嘅肉肉，有如深不可測嘅萬象深淵～唔夠乾爽就會紅晒㗎啦！」，因而令網民擔心囝囝會否體重過肥。
孫慧雪8字回應：醫生話佢冇過肥呀！
不少網民留言表示擔心：「太過肥對BB唔係一件好事」、「請勿一次餵食太多，應減少食量，避免小嬰兒負擔過多，體重過重～讓心臟壓力變大！」對此，孫慧雪親自回應：「醫生話佢冇過肥呀！佢只係喺生長線上係100%。」
此外，她亦強調一點：「我同老公都堅持BB唔想飲奶，就不會迫佢飲。」，絕無谷肥BB的打算！
孫慧雪常進補 細仔好吸收！
孫慧雪自言兩名兒子的體質都像爸爸，體型較大隻，在懷孕時、以至出世後，生長線在100%之上，細仔都不例外。孫慧雪亦指出，細仔的食量遠不及大仔，最近細仔疑步入厭奶期，飲奶量只有70ml，但慶幸是仍很吸收。
在飲食方面，孫慧雪表示生完大仔後，坐月期間的飲食比今胎較為清淡，這次全靠有個擅長煮食的陪月，給她進補。「由於我已打算『封肚』，所以陪月姨姨成日幫我補身，每餐都好豐富，我都食多咗，仲會成日飲燉冬蟲草肉汁、鹿茸和花膠燉湯等，還有食一些補湯supplement，唔知係咪營養好咗，細佬唔係食量好大，但都好吸收。」
拆解兒童生長指標
本港衞生署及中大有資料供家長了解孩子的身高體重是否符合發展，一般可參考兒童生長曲線的「身高別體重圖表」，它是按兒童的身高來評估體重是否符合比例。依中大的「年齡別體重」（嬰兒），以10個月大男嬰為例，體重線介乎7.5kg至10.5kg，平均為9kg。2歲以上兒童亦有按性別、身體去評估的生長曲線圖。
然而大仔Riley在嬰幼期是巨B，不過現時已6歲大變回正常體重了，大家不要過分擔心過重之嫌。
